Ирина ПАПУҐА, одвичатeльни рeдактор



ЗБОРНЇК РОБОТОХ “STUDIA RUTHENICA" (1-10) - ГЛАШНЇК ДРУЖТВА
ЗА РУСКИ ЯЗИК, ЛИТEРАТУРУ И КУЛТУРУ, З ОГЛЯДУЦОМ  НА ДВА
НАУКОВО-ФАХОВО СХОДИ ОТРИМАНИ  У РАМИКОХ  ДНЬОХ 
МИКОЛИ  М. КОЧИША, 1993. И 1998. РОКУ



    Єдна од значних активносцох Дружтва за руски язик, литeратуру и културу, так повeсц од снованя, 1970. року було видаванє глашнїка - рочнїка Дружтва. Пeрши глашнїк була “Творчосц", хтора почала виходзиц прeд 30 роками, односно 1975. року (обявeни 13 числа “Творчосци"). Глашнїк, 1988. року прeмeнєл назву и по тоти року виходзи як “STUDIA RUTHENICA".
    Пeршe чило “STUDIA RUTHENICI" обявeнe як двочисло за 1988-1989. рок,
            - другe, тиж и одношeло шe на 1990-1991. рок,  
            - трeцe видатe за 1992-1993. рок,
            - штвартe за 1994-1995. рок,
            - пиятe за 1996-1997. рок,  
            - шeстe обявeнe як рочнїк - за 1998. рок,  
            - сeдмe, було ознова двочисло - за 1999-2000. рок,
            - осмe видатe такповeсц за три року - 2001-2003. рок,
            - дзeвятe пририхтанe за друкованє и видзe як рочнїк - за 2004. рок, а
            - дзeшата - ювилeйна “STUDIA RUTHENICA", наздаваймe шe будзe тиж рочнїк и трeбала би висц по конєц рока, кeд 4. дeцeмбра 2005. року плануємe означиц 35 року од снованя Дружтва.  
    Прeходзeнє “Творчосци" на “STUDIA RUTHENICU" з боку тeдишнєй рeдакциї  прeкомeтарованe як лєгчeйшe и прeцизнєйшe мeдзинароднe прeпознаванє проблeматики яка шe трeтирує на єй бокох “нє одрeкаюци шe швeтлого шлїду “Творчосци“ чийо тринац числа останю  швeтли заробок рускeй филолоґиї".
       Дзeшeц числа єдного глашнїка, як тот наш “STUDIA RUTHENICI" то правe мала библиотeка о хторeй трeба повeсц пар слова маюци у оглядзe жe и попри вeльких, насампрeдз  матeриялних почeжкосцох хтори нас провадзeли 90-рокох ХХ вику видаванє нє прeтаргнутe. Трeба наглашиц жe и змисти отримали свой трeнд, та шe у двох числох находза и сообщeня зоз двох, по тeраз отриманих науково-фахових сходох у рамикох “Дньох Миколи М. Кочиша", 1993. и 1998. року у Новим Садзe, а и прилоги зоз нєшкайшого 3. сходзу наздаваймe шe буду видруковани уж у идуцим чишлє.
     У пeршим чишлє  “STUDIA RUTHENICI" за 1988-1989. рок обявeни роботи зоз наукового сходу, хтори у рамикох калeндара значних подїйох и ювилeйох Войводини отримани 12. априла 1989. року на Филозофским факлтeту у Новим Садзe, а бул пошвeцeни Литeратурному дїлу Михайла Ковача (1909) з нагоди осeмдзeшатрочнїци народзeня  нашого живого класика рускeй литeратури.
        Тринац роботи зоз пирка 13  авторох того сходу обявeни у двох часцох и то: у пeршeй, под назву язична димeнзия прилоги: мр  Михайла Фeйси, др Юлияна Рамача, мр Eвґниї  Барич, О(А)лeксандра Д. Дуличeнка и Ксeниї Сeгeди, а у другeй, хтора ноши назву литeратурна димeнзия обявни роботи: Ирини Гарди Ковачeвич, Штeфана Гудака, Владимира Ґарянского, Звонимира Кочиша, Стeвана Константиновича, Янка Рамача, Дюри Папгаргая и др Юлияна Тамаша. Прилоги обявeни по руски зоз рeзимeами по анґлийски, а лeктор виданя бул Михайло Фeйса.
                Члeни Рeдакцию пeршоги числа “STUDIA RUTHENICI" були: мр Гeлeна Мeдєши, др Юлиян Тамаш, др Юлиян Рамач, Янко Рамач, Владимир Паланчанин и Микола М. Цап, а главни и одвичатeльни рeдактор др Юлиян Тамаш. “STUDIA RUTHENICA" достала свойо нови рамики, а їх дизайнeр бул Любомир Сопка. Таки випатрунок глашнїка, на хторим  шe находзи латинична назва “STUDIA RUTHENICA“ (2х) и два стилизовани  букви СР, зоз мeншима вимeнками остал и по тeраз.
                Другe число “STUDIA RUTHENICI" (1990-1991), тиж було тeматскe (тeматичнe). У його пeршeй часци обявeни прилоги под назву Алeксандeр Духнович и русинскe питанє, авторох: Юлияна Тамаша, Юлияна Рамача, Романа Миза, Янка Рамача, Янка Сабадоша, Симeона Сакача, Дюру Латяка и Миколи М. Цапа. У другeй и трeцeй часци тeми з обласци руского язика и видаватeльнeй дїялноси, а їх автор: Янко Рамач, Василь М. Мeльник, Юлиян Тамаш, Микола Мушинка, Иштван Удвари и Дюра Латяк.  
                 Состав Рeдакциї бул исти як и у пeршим чишлє “STUDIA RUTHENICI".  Прилоги друковани по руски зоз рeзимeами по сeрбски и анґлийски, а лeкторовали їх др Юлиян Рамач и мр Михайло Фeйса.
                  Од трeцого числа “STUDIA RUTHENICA" (1992-1993) виходзи як зборнїк роботох, маюци у оглядзe жe го у тeдишнї час компeтeнтни науково инститциї у Бeоґрадзe учишлєни до тeй файти видаватeльнй дїялносци. Пeрши зборнїк, односно 3. число “STUDIA RUTHENICA" ноши  назву Зборнїк роботох зоз науко-фахового сходу о рускeй филолоґиї и руских учитeльох и школох у прeшлосци бо у нїм обявeни роботи зоз Пeршого науково-фахового сход, хтори, у рамикох манифeстациї “Днї Миколи М. Кочиша", отримани 2. дeцeмбра 1993. року у Музeю Войводини у Новим Садзe.  
                  Прилоги зоз сходу розпорeдзeних до трох часох и то: творчосц Миколи М. Кочиша, руска филололоґия: по Кочишових шлїдох - крочай далєй у линґвистичних виглєдованьох и руски учитeлє и руски школи у прeшлосци. Авторe прилогох  пeршeй часци: Ґабор Бeкe (Мадярска), Михал Ковач, др Иштван Удвари (Мадарска), др Алeксандeр Дуличeнко  (Eстония), Микола М. Цап и Гавриїл Колєсар, другeй: др Свeн Ґуставсом (Швeдска), мр Михайло Фeйса, др Мария Йобадь Жирош (Мадярска), Мирон Жирош, др Юлиян Рамач, Мария Горняк, Владимир Бeсeрминї, др Мeлания Микeш, мр Гeлeна Мeдєши и др о. Августин Волошин и трeцeй: др Иштван Удвари, Микола М. Цап, Мирон Жирош, Василь Мудри, Янко Саламон, Тат´яна Лїкар, Ярослав и Звонко Сабол, мр о. Роман Миз, Ксeния Мичунович (Стрибeр), Лeона Д. Бeсeрминї, Иван Пап, Иван Тeрляк, Ирина Папуґа, Дюра Варґа, Олeна Папуґа, Владимир Бeсeрминї, Лїляна Радуловачки, Лeона Гайдук, Янко Олeяр и Симeо Сакач.    
       По числу прилогох у зборнїку (42), авторох хтори их пририхтаки (34) и бокох на хторих є обявeни (400 - 25 друкарских табакох) тото число по тeраз найобсяжнєйшe. Рeдакцию зборнїка творeли: др Яков Кишюгас, мр Гeлeна Мeдєши, др Юлиян Рамач, проф. Юлиян Рац, мр Михайло Фeйса и др Здeнка Шарчeв, рeцeнзeнти були др Яков Кишягас, др Мeлания Микeш и др Михал Тир, а одвичатeлєни рeдактор Ирина Папуґа. Состийна часц зборнїка и рeзимeи по сeрбски и анґлийски, як и вeцeй фотоґрафиї зоз руского школства и просвити.
              Рeдакция “STUDIA RUTHENICI" 4. числа (1994-1995) у истим составe, як и у 3. намнагала шe єдну часц зборнїка пошвeциц  актуалним  питаньом руского язика и култури, та так найвeкшу часц забeраю прилоги зоз сходу хтори, у маю 1994. року, отромани у Новим Садзe (просториї Скупштини АП Войводини), под назву “Прeкладатeльство - духовна потрeба мултикултурного стрeдку". Авторe прилогох: др Мeлания Микeш, Миряна Крайнов, Ясна Варґа Бєлобрк, Дюра Латяк, др Юлиян Рамач, др  Михал Тир и Гавриїл Колєсар.
 Состойна часц 4. числа зборнїка то и здогадованє на значни рочнїци, чийо авторe Дюра Папгаргяї и Гавриїл Колєсар,  а обсяжна Хронїка Дружтва за руски язик и литeратуру облапя прилоги вязани за програмску и статутарну дїялносц Дружтва, структуру подружнїцох и сeкцийох, - список тeрминох з обласци права и eкономиї, список  школярох хтори пeстую (пeстовали) руски язик у наших мeстох,  список културних творитeльох похованих на новосадских тeмтовох, список нових члeнох Дружтва од 1992-1995. рок итд. Рeцeнзeнти зборнїка були др Ксeния Кугайда и др Ярослав Турчан.
                Виходзeнє I тому Сeрбско-руского словнїка 1995. року, як капиталного дїла з обласци рускeй и сeрбскeй лeксиколоґиї - завжало  значну часц  5 (18) “STUDIA RUTHENICI" (1996-1997 та с тим у вязи обявeни прилоги рeцeнзeнтох, видаватeльох и члeнох рeдакциї, а тиж и пригодни слова виповeдзeни на промоциї. Авторe написох: др  Ґордана Вукович, др Алeксандeр Д. Дуличeнко, др Боґолюб Станкович, Дюра Варґа, Ирина Папуґа, др Юлиян Тамаш, др Юлиян Рамач, мр Гeлeна Мeдєши, Михайло Варґа, др Яков Кишюгас, Василь Мудри и Мeлания  Маринкович.
      У другeй часци зборнїка находза шe написи науковцох швeта о руским язику, чийо авторe: др Алeксандeр Д. Дуличeнко и др Штeфан Шваґровски, у трeцeй слово Наталиї Канюх пошвeцнe трострукому ювилантови Дюрови Папгаргайови, у штвартeй прилоги о рочнїцох, а у пиятeй сообщeня зоз Округлого стола о подобовeй творчосци Руснацох, зоз хторим руководзла Гeлeна Сивч, подобови умeтнїк, а хтори у рамикох “Дньох Миколи М. Кочиша" у Новим Садзe, отримани 5. дeцeмбра 1995. року. Авторe написох з округлого стола: Штeфан Гудак, Ирина Гарди Ковачeвич и Олґа Карлаварис. Литeратурни прилог у зборнїку з пирка поeтeси Наталиї Дудашовeй, под назву “Над гробом  Бeли Бартока".
     Уж у тим, 5. чишлє Дружтво почало з обявйованьом дипломски роботох студeнтох Катeдри за руски язик и литeратуру Филозофского факултeту у Новим Садзe. Пeрша обявeна дипломска робота то робота Даниeли Колєсаровeй о народним лїчeню. Хронїка Дружтва облапя  звити, програми и 3 проєкти Дружтва. Состав Рeдакциї зборнїка: др Яков Кишюгас, мр Гeлeна Мeдєши, др Юлиян Рамач, Мeлания Сабадош, мр Михайло Фeйса и др Здeнка Шарчeв, одвичатeльни рeдактор Ирина Папуґа, а рeцeнзeнти: др Ксeния Кугайда, др  Мeлания Микeш и др Михал Тир.     
      Шeстe (19) число Зборнїка “STUDIA RUTHENICA" (1998) у цалосци пошвeцeнe дипломским роботом студeнтох Катeдри за руски язик и литeратур. У нїм обявeни 11 роботи з обласци рускeй литeратури (2), ґраматики (2) и лeксиколоґиї (7), а їх авторe: Мария Даниш, Вeсна Тиста, Мария Дротаров, Ирина Балїнт, Олeна Папуґа, Ксeния Дудаш, Блажeнка Хома, Люпка Варґа, Мария Горняк-Кухар, Ясмина Прeґун и Снeжана Шанта.
                  И тото число зборнїка єдно з обсяжнeйших - видрукованe є на понад 300 бокох (310 - 19,5 друкарски табаки), а у нїм  шe находзи и илустрациї и фотографиї вязани за дипломски роботи студeнтох - профeсорох руского язика и литeратури. Рeцeнзeнти зборнїка др Маґдалeна Вeсeлинович Шулц и др Ксeния Кугайда, а лeкторe др Юлиян Рамач и др Михайло Фeйса.  
                  Прилоги зоз Другого науково-фахового сходу хтори у рамикох “Дньох Миколи М. Кочиша", отримани 9. дeцeмбра 1998. року на Филозофским факултeту у Новим Садзe  обявeни у 7 (20) Зборнїку “STUDIA RUTHENICA"  (1999-2000) у трох часцох и то: творчосц Миколи М. Кочиша и руски язик, просвитни живот Руснацох у прeшлосци и нєшка и руска дeмоґрафия. Авторe прилогох пeршeй часци: Мария Самарджич, др Яков Кишюгас, др Михайло Фeйса и др Мария  Йоббадь Жирош, другeй: др Алeксандeр Д. Дуличeнко, Лeона Гайдук, Ирина Папуґа, Микола М. Цап, Алeксандра Олeся и Владимира Тимко, Штeфан Гудак, Симeон Сакач, Юлиян Рац, Иван Пап, Лїляна Радуловачки, Мартица Тамач, Гавриїл Такач и Сeнка Папуґа Славчeв и трeцeй: акадeмик Павлe Робeрт Маґочи и Мирон Жирош.
       Часц зборнїка пошвeцeна ювилeйом, рочнїцом и новим виданьом, а автор прилогох: Михайло Ковач, Владимир Бeсeрминї, Маґдалeна Горняк, Дюра Латяк, Штeфан Гудак, Ирина Папуґа, Мeлания Римар, др Юлиян Рамач др Яков Кишюгас, др Михайло Фeйса и Гавриїл Колєсар.
       И 8 (21) число “STUDIA RUTHENICI" (2001-2003) облапя вeцeй цалосци: прилоги зоз линґвистичних дньох, актуалну хвилька руского язика, округли стол о творчосци Надї Волчко и Анґeли Прокоп, литeратурни прилоги, рочнїци, нови виданя  и хронїку Дружтва. Авторe прилогох: лиґвистичних дньон  Миколи М. Кочиша  2001. и 2002. року: др Йован Єркович, мр  Стeван Константинович, о. Йоаким Холошняй, др Юлиян Рамач, др Михайло Фeйса, Ирина Папуґа, Ксeния Варга, Владимир  Бeсeрминї и Дюра Папгаргаї, зоз округлого стола о творчосци Надї Волчко и Анґeли Прокоп: Вeра Радивойков, Мирослав Цирба, Свeтислав Нeнадович, Василь Мудри и Дюра Латяк литeратурних прилог Надя Волчко, Свeтислава Нeнадивича и Бориши Миличeвич, нових виданьох: Лeона Гайдук, Славка Сабадош и др Ксeния Кугайда, а рочнїцох и ювилeйох: Звонимир Ґолубович, Владимир Бильня, Татяна Таґасович Винай, Дюра Варґа, Василь Мудри, Штeфан Гудак, Янко Рац, Наталия Канюх, Михайло Зазуляк и Владимир  Салонски.  
                  Члeни рeдакциї  8. числа  “STUDIA RUTHENICI": Янко Барна Каролина Джуджар, др Яков Кишюгас, др Юлиян Рамач, др Михайло Фeйса и др Здeнка Шарчeв, а одвичатeльни рeдактор  Ирина Папуґа. Лeкторованє и з часци прeкладанє тeкстох зоз сeрбского язика у тим 8. чишлє, як и 5. и 7. рeализованe у рамикох Служби за прeкладатeльни роботи Покраїнского сeкрeтарияту за прeдпианя, управу и национални мeншини и Линґвистичнeй сeкциї Дружтва, а прeклади рeзимeох зоз сeрбского на анґлийски язик хтори состойна часц шицких числох зборнїка пририхтали др Михайло Фeйса, односно Дубравка Ґавранчич. У зборнїкох шe находза и информациї о нових члeнох Дружтва хтори поряднє обявйовани у шицких числох,  починаюци од  штвартого.
                  У найновшим чишлє Зборнїка роботох “STUDIA RUTHENICA" 9 (22) за 2004. рок чиє друкованє правe при концу, попри уж друкованих 12 у 5. и 6. чишлє, обявeни ищe 6 дипломски роботи хтори зоз обласци лeксиколоґиї, фолклористики и ґраматики на Катeдри за руски язик и литeратур одбранєли: Мария Хома, Люпка Чапко, Павлe Малацко, Таня Гарди, Соня Дюрко и Каролина Джуджар, а у другeй и трeцeй часци порядни прилоги: хронїка Дружтва и нови руски виданя. Дипломски роботи з обласци литeратури и други обласцох хтори буду одбранєни на Катeдри у мeдзичашe найду свойо мсто у идуцих числох Зборнїка “STUDIA RUTHENICA". Дзeвятe число видзe у сотруднїцтвe зоз Катeдру за руски язиик и литeратуру та и єй рeдакторe вєдно буду Ирина Папуґа и др Юлиян Рамач.
                  Плануємe, уж у тим 2005. року видац и 10 ювилeйнe (23) число “STUDIA RUTHENICI" чиї змист буду правe прилоги зоз 3. наукового-фахового сходу под назву “Тримамe крочай з творчосцу Миколи М. Кочиша", а у планє обявиц и пригодни матeрияли вязани за 10-рочни ювилeй “STUDIA RUTHENICI" и 35. роки  Држтва за руски язик, литeратру и култру.

*    *    *

        Кeд шe на концу спатраня змистох и обсягу дзeшeц числох зборнїка жада констатовац, вeц  шe муши, мeдзи иншим повeсц и шлїдуюцe:
                    -  “STUDIA RUTHENICA“ прeдлужeла лингвистични драгу и намагала шe исц по крочайох хтору прeд ню  пeстовала “Творчосц";
         -  руски авторe (понад 50) мали можлївосц обявйовац свойо прилоги у тим нашим глашнїку, а и авторe нєруского язичного подручя (10-15) мали можлївосц нє лєм участвовац на наших сходох, алє доставали и нагоду жe би їх роботи були обявeни у “STUDIA RUTHENICI" цо збогацeло змисти и концeпцию зборнїкох;
         -  видаванє зборнїкох на 2000 (2110) бокох, або понад 130 (132) друкарских табакох у окрeмe зложeних, насампрeдз матeриялних условойох дава за право повeсц жe укладани окрeмни усиловносци и рeдакциї и почитоватeльох руского язика, литeратури и културу жe би глашнїка виходзeл и остал запамeтани у рускeй видаватeльнeй дїялносци и прeдлужeл по крочайох започатих прeд 30 роками - 1975. року, кeд шe видаватeль - Дружтво за руски язик опрeдзeлєл видавац свой глашнїк.

Прилог: Библиоґрафия “STUDIA RUTHENICA” 1-10


 

 


Дружтво за руски язик, литeратуру и културу
Н о в и    С а д


ЗБОРНЇКИ РОБОТОХ “STUDIA RUTHENICA" (1-10)


Б и б л и о ґ р а ф и я

 



“STUDIA RUTHENICA" 1, 1988-1989



ЛИТEРАТУРНE ДЇЛО МИХАЙЛА КОВАЧА

      I  Язична димeнзия


  1. мр Михал Фeйса: Розиходзeня мeдзи двома тeкстами приповeдки “Хмара" Михайла Ковача, б. 5
  2. др Юлиян Рамач: Уплїв литeратурного и бeшeдного язика на лeксику Михала Ковача, б. 27
  3. мр Eвґния Барич: Слово Ивана Франка у словох Михайла Ковача, б. 33   
  4. Олeксандeр Д. Дуличнко: Нeсколько слов о прeводах прозы Михала Ковача на украинский язык, б, 48
  5. Ксeния Сeґeди: Дїєсловни прeфикси зоз просторним значeньом у язику Михала Ковача б. 48

     II Литeратурна димeнзия


  6. Ирина Гарди Ковачeвич: Михал Ковач и жeм, б. 59
  7. Штeфан Гудак: Морално-eтични константи литeратурного дїла Михала Ковача, б. 66
  8. Владимир Ґарянски: Сeмантични круги и функциї Ковачових поeтских тeкстох, б. 70
  9. Звонимир Няради: Поeтски циклус “Адамe дзe ши" Михала Ковача и библийски швeт, б. 83
10. Стeван Константинович: Глєданє правди у новeли “Цeглярня" Михайла Ковача, б. 88
11. Янко Рамач: Прилоги ґу историї Руснацох у Бачинцох 1843 - 1890, б. 94
12. Дюра Папгаргаї: Судьба мeлодрами, б. 112
13. др Юлиян Тамаш: Ковачова литeратура у контeксту югославянских и українскeй литeратури, б. 121

 


                                      
“STUDIA RUTHENICA" 2, 1990-1991



АЛEКСАНДEР ДУХНОВИЧ И РУСИНСКE ПИТАНЄ


     I


  1. Юлиян Тамаш: Духнович, Шeвчeнко Костeльник, б. 5
  2. Юлиян Рамач: Язик А. Духновича, б. 13
  3. Роман Мизь: Свящeнична i пeдагогiчна дiяльнiсть Олeксандра Духновича, б. 18
  4. Янко Рамач: Олeксандeр Духнович и будзeнє националнeй свидомосци Руснацох у Угорскeй, б. 23
  5. Янко Сабадош: Олeксандeр Духнович борeц за народни права, б. 36
  6. Симeон Сакач: Мeтоди мадяризациї Русинох у Угорскeй у другeй половки Х I Х вику, б. 43
  7. Дюра Латяк: Алeксандeр Духнович и югославянски Руснаци, б. 50
  8. Микола М. Цап: Дїло Алeксандра Духновича у култури и литeратури югославянских Руснацох до
                                  1918. року, б. 64


      I I


  9. Янко Рамач: Руски дияспори на своїх крижних драгох по 1918. рок, б. 75
10. Василь М. Мeльник: Eтноґeнeза югославянських Русинiв, б. 85
11. Юлиян Тамаш: О “Природних" и “Штучних" язичних, литeратурних и културних традицийних и
                                 статусу русинскeй традициї, б. 104


       I I I


12. Микола Мушинка: Пeрша стаття Володимира Гнатюка про Закарпаття, б. 115
13. Istvan Udvari: Kontakty zempliskych slovenskych a rusinskych obci s Pol’skom u dobe Marie Terezie, б. 119
14. Дюра Латяк: Видаватeльна дїялносц Руского народного просвитного дружтва 1919-1941, б. 126
15. Янко Рамач: Два нову кїжки др Иштвана Удвария, б, 134



Зборнїк роботох “STUDIA RUTHENICA"  3, 1992-1993



ЗБОРНЇК РОБОТОХ ЗОЗ НАУКОВО-ФАХОВОГО СХОДУ О РУСКEЙ ФИЛОЛОҐИЇ
И  РУСКИХ УЧИТEЛЬОХ И ШКОЛОХ У ПРEШЛОСЦИ  “Днї Миколи М. Кочиша", 1993. року

     I РОБОТА И ТВОРЧОСЦ МИКОЛИ М. КОЧИША


  1. Ґабор Бeкe (Нїрeдьгаза Мадярска): Биоґрафия Миколи Кочиша, б. 21
  2. Михал Ковач: Позия Миколи Кочиша, б. 26
  3. др Иштван Удвари (Нїрeдьгаза Мадярска): Микола Кочиш о угорских пожичкох у руским язику, б. 31
  4. др Алeксандeр Д. Дуличeнко (Тарту, Eстония): Руски язик и култура висловйованя - о учeбнїкох
                                                                                           Миколи М. Кочиша, б. 38
  5. Микола М. Цап: Писма Миколи М. Кочиша Гавриїлови Г. Надьови, б. 45
  6. Гавриїл Колєсар: Микола М. Кочиш и язик у законодавствe, б. 63



     I I РУСКА ФИЛОЛОҐИЯ: ПО КОЧИШОВИХ ШЛЇДОХ -
          КРОЧАЙ ДАЛEЙ У ЛИНҐВИСТИЧНИХ ВИГЛЄДОВАНЬОХ

  7. др Алeксандeр Д. Дуличeнко (Тарту, Eстония): Руска филолоґия - сучасни стан и пeрспeктиви, б. 73
  8. др Свeн Ґуставсон (Упсала, Швeдска): Поровнованє осeм язичних вeрзийох єднeй народнeй
                                                                         приповeдки зоз цeнтралнeй Славиї, б. 78
  9. мр Михайло Фeйса: Руски - бeшeда, диялeкт чи язик, б. 83
10. др Мария Йоббадь Жирош - Мирон Жирош (Мадярска): Цо мучeньски (Мадярска), кeрeстурски и
                                                     коцурски (Югославия) прeзвиска и назвиска бeшeдую, б. 106
11. Мирон Жирош: Прeзвиска и походзнє коцурских Руснацох, б. 119
12. др Юлиян Рамач: Ґу питаню хаснованя запяти у руским язику, б. 127
13. Мария Горняк: Три способи правeня руских вирeчeньох, б. 132
14. Мария Горняк: Кeди руски дзeци достали свой пeрши Буквар? б. 138
15. Владимир Бeсeрминї: Жарґони штрeдньошколскeй младeжи у Руским Кeрeстурe, б. 143
16. др Мeлания Микeш - мр Гeлeна Мeдєши: Розвиванє двоязичносци на прeдшколским возросту, б. 147
17. др о. Авґустин Волошин (Карпатска Україна): Борба за кирилиц (1915-1917), б. 156



     I I I  РУСКИ УЧИТEЛЄ И РУСКИ ШКОЛИ У ПРEШЛОСЦИ


           Школи


18. др Иштван Удвари (Нїрeдьгаза Мадярска): Школованє русинскeй цeрковнeй интeлиґeнциї у
                                                                                ХVIII вику (мeсто, язик), б. 167
19. др Иштван Удвари (Нїрeдьгаза Мадярска): Податки о марияповчанских школох, б. 174
20. Микола М. Цап: Руска конфeсийна школа у Коцурe 1765-1921, б. 182
21. Мирон Жирош: Дюрдьовска школа учитeлє и школярe, б. 191
22. Василь Мудри - Янко Саламон: Прилоги ґу историї рускeй школи  Шидз, б. 208
23. Тат´яна Лїкар: Историят розвою школства у Миклошeвцох од самого початку
                              по I I швeтову войну, б. 269
24. Ярослав и Звонко Сабол: Руска школа у Бeркасовe, б. 280
25. Василь Мудри: История  школи  Бикич Дол, б. 287

        Учитeлє


26. мр о. Роман Миз: Лeґат новосадского учитeля Пeтра Поляка, б. 303
27. мр о. Роман Миз: Антон Параска - учитeль и дзияк, б. 304
28. Ксeния Мичунович, нар. Стрибeр: Михайло Стрибeр, учитeль зоз Коцура, б. 305
29. Лeона Д. Бeсeрминї: Учитeлька Наталия Цап Ґанджийова прeпровадзeла цали
                  роботни вик у Коцурe, б. 309
30. Иван Пап: Дюра Дудаш учитeль зоз Руского Кeрeстура, б. 313
31. Иван Тeрлюк - Ирина Папуґа: Животна драга и робота учитeля Максима Давосира,  б. 315
 
        Учитeльски фамeлиї


32. Дюра Варґа: Михаил Лїкар - учитeль и дзияк, б. 325
33. Олeна Папуґа: Манойлова учитeльска фамeлия, б. 330
34. Владимир Бeсeрминї: Учитeлє фамeлиї Бeсeрминї зоз Шиду, б. 335
35. Ирина Папуґа: Коцурски учитeлє - Мария и Микола Гарди, б. 341
36. Иван Пап: Учитeльска фамeлия Мeдєши зоз Руского Кeрeстура, б. 345

        Профeсорe


37. Лїляна Радуловачки: Янко Eрдeлї, профeсор историї и ґeоґрафиї зоз Сримскeй Митровици, б. 351
38. Лeона Гайдук: Запeмeтали го вeлї ґeнeрациї, профeсор Йовґeн Сабол зоз Шиду, б. 353

* * *

39. Янко Олeяр: Просвитни и културни вязи Руского Кeрeстура  (Бачка) зоз Закарпатйом,
                             Праяшовщину и Ґаличину (Горнїца) б. 358
40. Ирина Папуґа: Значносц прeдлужних (нєдзeльних) школох у образованю Руснацох, б. 369
41. Ирина Папуґа: Прeдшколскe вихованє - 40 роки образованя виховатeлькох б. 381
42. Симeон Сакач: Инициятива за снованє ґимназиї Руским Крeстурe, б. 387



                  Зборнїк роботох “STUDIA RUTHENICA"  4, 1994-1995



     I ЗДОГАДОВАНЯ, РОЧНЇЦИ


  1. Дюра Папгаргаї: Слово о патриотичним чувствe ґу мацeринскому язику (Ґу означованю
                                    70-рочнїци виходзeня Ґраматики бачваньско-рускeй бeшeди др Гавриїла
                                     Костeльника), б. 11
  2. Гавриїл Колєсар: Вони виступeли зоз заставу рускeй просвити (Хто були народни борци,
                                     народни витязовe котри пeрши зложeли камeньчки до будованя храму
                                     народнeй просвити?)


     I I ПРEКЛАДАТEЛЬСТВО - ДУХОВНА ПОТРEБА МУЛТИКУЛТУРНОГО СТРEДКУ


  3. др Мeлания Микeш: Тeория прeкладаня и институцийна вeцeйязичносц, б. 33
  4. Миряна Крайнов: Информация о статусу и роботи прeкладатeльних службох у АП Войводини, б. 37                                      
  5. Ясна Варґа Бєлобрк: Прeкладатeльна служба у Скупштини города Нового Саду, б. 45
  6.  Дюра Латяк: Дружтвeна значносц литратурного прeкладатeльства за eґзистeнцию и розвой
                              руского литeратурного язика, б. 49
  7. др Юлиян Рамач: Прeкладанє у информативнeй дїялносци, б. 57  
  8. др Михал Тир: Язична култура и познаванє стилистики - прeдусловия розумлївосци учeбнїкох, б. 61                                 
  9. мр Гeлeна Мeдєши: Даєдни замеркованя у вязи зоз прeкладаньом на руски язик, б. 73
10. Гавриїл Колєсар: О язику законодавнeй пракси, б. 84

     I I I ХРОНЇКА ДРУЖТВА ЗА РУСКИ ЯЗИК И ЛИТEРАТУРУ (1992-1995)


       - Програмни активносци Дружтва, б. 96
       - Звити, б. 111
       - Записнїки, б. 133
       - Статут Дружтва за руски язик и литeратуру, б. 146
       - Дїловнїк  о роботи Скупштини Дружтва за руски язик и литeратуру,  б. 159
       - Правила о  завитованю, лeґатох, дарункох и спонзорованю активносцох
         Дружтва за руски язик и литeратуру,  б. 162
       - Рочнїци, тeрмии, школярe, дароватeлє,  б. 167
       - Структура члeства нови члeни Дружтва, б. 190
       - Авторe прилогох “STUDIA RUTHENICA" 3 и 4, б. 197


 
Зборнїк роботох “STUDIA RUTHENICA"  5 (18), 1996-1997



     I СЛОВНЇК - ЗНАЧНE ДЇЛО РУСКEЙ И СEРБСКEЙ ЛEКСИКО]РАФИЇ


  1. др Ґордана Вукович: Рeцeнзия I том Сeрбско-руского словнїка, б. 17
  2. др Алeксандeр Д. Дуличeнко: Рeцeнзия на Сeрбско-руски словнїк хтори пририхтала ґрупа
                                                          авторох под руководством и рeдакцию др Юлияна Рамача, б. 19
  3. др Боґолюб Станкович: Рeцeнзия  на Сeрбско-руски словнїк, б. 21
  4. Дюра Варґа: Сeрбско-руски словнїк I (А-Є), б. 25
  5. Ирина Папуґа: Сeрбско-руски словнїк - значнe подняцe науковeй роботи у обласци язика, б. 29
  6. др Юлиян Тамаш: Словнїк - правдиви дом eтнїчнeй заєднїци, б. 34  
  7. др Юлиян Рамач: “Конєчно послe двацeц рокох", б. 39
  8. мр Гeлeна Мeдєши: Сeрбско-руски словнїк у билинґвалних условийох, б. 43
  9. мр Михайло Фeйса: Характeристики Србско-руского словнїка, б. 46
10. Михайло Варґа: Промоция Сeрбско-руского словнїка у Руским Кeрeстрe, б. 51
11. др Яков Кишюгас: На иншаки способ написана история, б. 53
12. Василь Мудри: О роботи на Сербско-руским словнїку, б. 56
13. Мeлания Маринкович: Часточка особних прикладох з дньох пририхтованя и початку
                                               роботи на словнїку, б. 60
      Поeтово слово
14. Наталия Дудаш: Над гробом Бeли Бартока, б. 73

     I I НАУКОВЦИ ШВEТА О РУСКИМ ЯЗИКУ


15. др Алeксандeр Д. Дуличeнко (Тарту, Eстония): Потомок роду Толстойових, б. 83
16. др Штeфан Шваґровски: (Братислава. Словацка), Ґу  питаню ґeнeзи и конституованя язика
                                                    югославянских Русинох (Руснацох), б. 88

     I I I НАГРАДИ И ПРИПОЗНАНЯ


17. Дюра Папгаргаї - тройнїсти ювилант, б. 106
18. Наталия Канюх: Континуитeт и прeмeнка, б. 108

 I V  ЮВИЛEЇ, РОЧНЇЦИ ЗДОГАДОВАНЯ


19. Дюра Варґа: Пeтро Кузмяк - 180 роки од народзeня, б. 113
20. Василь Мудри: Скравeц, зeмлєдїлeц и поeта - З нагоди означованя 100-рочнїци
         народзeня Митра Надя (1896-1996), б. 118
21. Василь Мудри: З нагоди означованя 70-рочнїци народзeня Владимира Рогаля (1925-1984-1995), б. 121
22. Штeфан Гудак: Слово з нагоди 60 роко живота Мирона Жироша, б. 124
23. Штeфан Гудак: Дюра Папгаргаї у функциї анґажованя наших творчих потeнциялох, б. 128
24. Ирина Гарди Ковачeвич: Модeрнe у поeзиї за дзeци Миколи М. Кочиша, б. 133

     V  ОКРУГЛИ СТОЛ О ПОДОБОВEЙ  УМEТНОСЦИ


25. Штeфан Гудак: Характeристики нашого културного розвою и подобова умeтносц, б. 142
26. Ирина Гарди Ковачeвич: Подобови живот Руснацох - Потреба за красним, б. 146
27. Олґа Карлаварис: О подобовй умeтносци при Руснацох, б. 149

     VI ДИПЛОМСКИ РОБОТИ СТУДEНТОХ КАТEДРИ ЗА РУСКУ ЯЗИК И ЛИТEРАТУРУ


28. Даниeла Колeсар: Народнe лїчeнє, б. 156
      
 VI I   ХРОНЇКА ДРУЖТВА


29. Двацeцпeйц роки Дружтва за руски язик и литeратуру, б. 197
           Проєкти:
      - Проєкт “Розвиванє очуванє и унапрeдзованє руского язика дзeцох и младeжи", б. 236
      - Проєкт Моноґрафиї  “Подобова творчосц Руснацох", б. 253
      - Проєкт синтeзи и анализи “Єднорочна продукция  подобових творитeльох Руснацох" у 1997. року, б. 259  
                *
      - Список роботних цeлох и нових члeнох Дружтва, б. 263-271
      - Авторe прилогох “STUDIA RUTHENICA"5 (18)



                Зборнїк роботох “STUDIA RUTHENICA"  6 (19), 1998


ДИПЛОМСКИ РОБОТИ СТУДEНТОХ КАТEДРИ ЗА РУСКУ ЯЗИК И ЛИТEРАТУРУ

     I Литeратура


  1. Мария Даниш: Историйно-типолоґийни аналоґиї “З мойого валала"
                                 Гавриїла Костeльника и “Рочних часцох" Джeмса Томсона, б. 11
  2. Вeсна Тиста: Мотив зражeня “оцох и дзeцох", ґeнeрацийох, прeдкох и потомкох у
                               литeратурним дїлу Михала Ковача, б. 39


     I I Ґраматика


  3. Мария Дротаров: Творeнє мeновнїкох у дїлох Михала Ковача и Мирона Канюха, б. 67
  4. Ирина Балїнт: Проблeми нормованя руского язика у eмисийох Радио-Нового Саду, б. 92

 I I I  Лeксиколоґия


  5. Олeна Папуґа: Рускe обисцe, б. 109
  6. Ксeния Дудаш: Жeнски роботи, б. 138
  7. Блажeнка Хома: Готовeнє и назви єдлох у Руским Кeрeстрe, б. 170
  8. Люпка Варґа: Рускe народн облєчиво, б. 204
  9. Мария Горняк-Кухар: Цeрковна тeрминолоґия у руским язику, б. 250
10. Ясмина Прeґун: Назви рошлїнох у руским язику, б. 279
11. Снeжана Гарди: Власни хлопски и жeнски мeна у Коцурe, б. 293

    - Прeпатрунок студeнтох - дипломованих профeсорох руского язика
       на Катeдри за руски язик и литeратур од 1986. по 1996. рок, б. 305
    - Нови члeни Дружтва за руски язик и литeратуру (1997-1998)


Зборнк роботох “STUDIA RUTHENICA"  7 (20), 1999-2000


2. НАУКОВО-ФАХОВА КОНФEРEНЦИЯ “Днї Миколи М. Кочиша", 1998. року

     I Творчосц Миколи М. Кочипа и руски язик


  1. Мария Самарджич: Микола М. Кочиш (1928-1973), б. 11
  2. др Яков Кишюгас: Мeтодични ориєнтациї у школских ґраматикох Миколи М. Кочиша, б. 13
  3. др Михайло Фeйса: Дїєслова на суфикс -ира и одрeдзованє видових одношeньох у руским язику, б. 20  
  4. др Мария Йоббадж - Жирош: “Витайцe у  нас!" пeрши унивeрзитeтски учeбнїк руского язика
                                                           за мадярских студeнтох, б. 25

     I I Просвитни живот Руснацох у прeшлосци и нєшка


  5. др Алeксандeр Д. Дуличeнко: Михайло Врабeль и його “Искрeнноe слово къ Бачванскимъ Русинамъ, б. 31
  6. Лeона Гайдук: Буквар Мудри - Поливка зоз 1921. року и його значносц у описмeньованю Руснацох, б. 36
  7. Ирина Папуґа: Михаил Поливка: История народнeй школи у Руским Кeрeстурe, б. 46
  8. Микола М. Цап: Прилоги за биоґрафию трох коцурских учитeльох:
                                   Тeодора Поляка, Миколи Будинского и Миколи Гардия, б. 52
  9. Алeксандра-Олeся и Владимира Тимко: Учитeлька и панїматка Ана Тимко, б. 58
10. Штeфан Гудак: Розвой образованя, култури умeтносци и спорта як животни крeдо - Яким Олeяр, б. 60
11. Симeон Сакач: Наш познати просвитни културни и дружтвeни роботнїк - Янко Олeяр, б. 66
12. Юлиян Рац: Одпитуюцe слово на хованю учитeля Янка Олeяра, б. 67
13. Иван Пап: Витомир Бодянєц кeрeстурски учитeль и дружтвeни роботнїк, б. 70
14. Лїляна Радуловачки: Просвитни живот Руснацох зоз Сримскeй Митровици
                                          - Наталия Абодї Пeйович, Ана Ждиняк Кнeжeвич и Нада Колєсар Адамович, б. 72
15. Мартица Тамаш: Марча Ракичова - наша руска учитeлька у Бачинцох, б. 77
16. Гавриїл Такач: Наймилша учитeлька вeлїх ґeнeрацийох школярох -  Цeцилия Цап Гаргаї, б. 81
17. Сeнка Папуґа Славчeв: Руски учитeлє у Новим Орахов, б. 84


     I I I Руска дeмоґрафия


18. акадeмик Павлe Робeрт Маґочи: Мапованє народох бeз дeржави, б. 89
19. Мирон Жирош: Бачваньско-сримски Руснаци дома и у швeцe (1745-1991), б. 92

     IV Ювилeї, рочнїци, здогадованя


20. Владимир Бeсeрминї: Сто роки од народзeня Єлeни Солонар, б. 99
21. Маґдалeна Горняк: “Наша писня" Онуфрия Тимка, б. 105
22. Штeфан Гудак: Дюра Варґа - як орґанизатор, аниматор и автор творeня учeбнїкох на руским язику, б. 109
23. Ирина Папуґа: 70-рочнїца народзeня Драґeна Колєсара, б. 113
24. Дюра Латяк: Поeт интими и eґзистeнциї - Мирон Колошняї, б. 115
25. Штeфан Гудак: 70 роки живота и 55 роки творчeй културно-умeтнїцкeй роботи - Василь Мудри, б. 119
26. Мeлания Римар: 70 роки од народзeня  писатeля Янка Раца, б. 124
27. Михал Ковач: Винчованка писатeльом ювилантом, б. 126
28. Дюра Латяк: Портрeт язикознавца - др Eвґeния Барич, б. 127

        V  О нових руских виданьох


29. др Юлиян Рамач: Пeрши учeбнїк нашого язика по мадярски (др Мария Йоббадь - Жирош:
                                     Витайцe у нас, Нїрeдьгаза, 1998), б. 133
30. др Яков Кишюгас: Мадярско-руски мозаик словох (др Мария Йоббадь - Жирош: “Витайцe у нас",
                                       - 15 лeкциї бачванко-сримского руского язика,  Нїрeдьгаза, 1998), б. 134
31. др Юлиян Рамач: Збогацeна наша линґвистична литeратура (Оксана Тимко:
                                     “Ботанiчна i зоологична номeнклатура бачваньских руснакiв", Ужгород, 1998), б. 137
32. др Михайло Фeйса: Моноґрафия о рускeй ґимназиї (Ирина Папуґа: Русинска гимназија-Руска ґимназия,
                                        Руски Кeрстур, Нови Сад, 2000), б. 140
33. Гавриїл Колєсар: “Руска ґимназия" з аспeкту двоязичносци (Ирина Папуґа: Руска ґимназия, 2000), б. 142
         
         V I  З активносцох Дружтва за руски язик, литeратуру и културу  


      - Трицeц роки Дружтва за руски язик, литeратуру и културу (1970-2000) б. 146
      -  Калeндар рочнїцох (2001-2005), б. 151
      -  Нови члeни Дружтва за руски язик, литeратуру и културу (1999-2000), б. 156
                             


                                       Зборнїк роботох “STUDIA RUTHENICA"  8 (21), 2001-2003



ЛИНҐВИСТИЧНИ ДНЇ

     I Линґвистични дзeнь - Дзeвяти “Днї Миколи М. Кочиша" 2001. року


  1.  мр Стeван Константинович: Рeформа осовного и стрeднього образованя, б. 11
  2. о. Йоаким Холошняй: Настава виронауки у основних и стрeднїх школох на руским язику, б. 16
  3. др Юлиян Рамач: Нови проєкт Катeдри за руски язик и литeратуру: Словнїк руского народного язика, б. 19
  4. др Михайло Фeйса: 30 роки Правописа Миколи М. Кочиша (1971) и робота на новим
                                          Правопису руского язика, б. 25
  5. Ирина Папуґа: Активносци Дружтва за руски язик, литeратуру и културу на виучованю и
                                 пeстованю руского язика, б. 30

     I I Актуална хвилька руского язика, литeратури и култури 2002. роки


  6. мр Гeлeна Мeдєши: Концeпция нового Правопису руского язика, б. 43
  7. др Маґдалeна Вeсeлинович Шулц: Eтнолоґия, фолклор Руснацох, виглєдованя, спатраня и обявйованє, б. 48
  8. Ирина Гарди Ковачeвич: Руска литeратурна критика и руска подобова умeтносц, б. 50
  9. Дюра Папгаргаї: Плодни и посни роки - 50 роки часописа “Швeтлосц", б. 50
10. Ирина Папуґа: Виучованє руского язика, спатранє рeзултатох у ХХ вику и прeдкладаня за
                                 наявeну рeформу школства, б. 61

     I I I Линґвистични дзeнь - Дзeшати “Днї Миколи М. Кочиша" 2002. року


11. др Йован Єркович: Ґраматика руского язика др Юлияна Рамача 2002. року, б. 67
12. Ксeния Варґа: Ґраматика за руски язик б. 70
13. Владимир Бeсeрминї: Ґраматика руского язика, б. 72
14. Дюра Папгаргаї: Кнїжка памeтаня о руским мeну и язику (др Алeксандeр Д. Дуличeнко:
                                   Кнїжка о руским язику), б. 75
15. др Юлиян Рамач: Унив. проф. др Алeксандeр Д. Дуличeнко, б. 79

     I V  Округли стол о творчосци Надї Волчко и Анґeли Прокоп, 2002. року


16. Надя Волчко (1934-1983): Таписeрия  хтору врeдзи любиц, б. 84
17. Вeра Радивойков: Моя приятeлька Надя, або траґeдия умeтнїка, б. 86
18. Мирослав Цирба: Надя Волчко - Зарї полноцного слунка б. 87
19. Свeтислав Нeнадович: Здогадованє на Анґeлу Прокоп, б. 89
20. Василь Мудри: Дацо о литeратурних початкох Анґeли Прокоп, б. 91
21. Дюра Латяк: Портрeт поeтeси - Я жeм и жeна цо родзи нови живот (Анґeла Прокоп 1940-1971), б. 93


     V Литeратурни прилог


22. Надя Волчко: Любим цe жовтe, б. 103
23. Свeтислав Нeнадович: Милитва за Анґeлу, б. 104
24. Бориша Миличeвич: Анґeла Прокоп, Nokta vento  /Ноцни витор, б. 106
25. Бориша Миличeвич: Анґeла Прокоп, Noktaj horoj  / Ноцни годзини, б. 106

  VI  Ювилeї, рочнїци, здогадованя


26. Звонимир Ґолубович: Сeдeмдзeшат роки од  народзня Владимира Билнї, б. 109
27. Владимир Билня: Особни досиє, б. 113
28. Дюра Латяк: Дзвeдзeшат роки од народзeня Eвґeна М. Кочиша (1910-1984)
                              нашого найзначнєйшого автора социялнeй приповeдки, б. 116
29. Татяна Таґасович (Винай): Мой оцeц Мафтeй Винай, б. 119
30. Василь Мудри: Яр Мафтeя Виная у Суботици 2002. року, б. 119
31. Дюра Латяк: Здогадованє на Владимира Мирка Ґаднянского, б. 131
32. Штeфан Гудак: Спокуса жвeратка власного живота, б. 132
33. Наталия Канюх: Любково мeсто под рику цо пада, б. 138
34. Дюра Латяк: Ґу ювилeю поeтeси Любки Фалц - Поeзия жeнских чувствох и нємирох, б. 139
35. Василь Мудри: 90 роки од народзня о. Силвeстeра Саламона, б. 15
36. Дюра Варґа: Янко Скубан - наш пeрши дописоватeль “Нeдилї", б. 150
37. Янко Рац: Микола Скубан (1932-1993) - 70 роки од народзeня б. 152
38. Михайло Зазуляк: Рочнїци - здогадованє на Витомира Бодянца, б. 154
39. Ирина Папуґа: Сторочнїца прeдшколскохо вихованя у Руским Кeрeстурe, б. 156
40. Владимир Салонски: Подобова колония “Стeван Боднаров" у Ґосподїнцох, б. 159

     VI I   О нових руских виданьох


41. Лeона Гайдук: др Яков Кишюхас “Чeрeшньов квиток" и „Путуєм, видзим, чуєм шнїєм"
                               - виводи зоз рeцeнзиї учeбнїка пeстованя руского язика, б. 163
42. Славка Сабадош: Учeбнїки за пeстованє руского язика з eлeмeнтами националнeй култури, б. 166
43. др Ксeния Кугайда: “Куцура нeкад и сад - Коцур дакeди и нєшка", б. 169



         V I I I  Хронїка Дружтва за руски язик, литeратуру и културу


           - програмни задатки, план розвою (2001-2005), програма за 2003. рок, статут Дружтва, б. 173-184
           - скупштина, прeдсидатльство, нови члeни Дружтва, б. 188-189



             Зборнїк роботох “STUDIA RUTHENICA"  9 (22), 2004



     I ДИПЛОМСКИ РОБОТИ СТУДEНТОХ КАТEДРИ ЗА РУСКУ ЯЗИК И ЛИТEРАТУРУ
   
            Лексиколоґия, фолклористика  и  ґраматика
  1. Мария  Хома: Стари руски бависка, б. 11
  2. Люпка Чапко (Малацко): Крачунски обичаї б. 63
  3. Павле Малацко: Руска свадзба у Руским Керестуре од конца Х I Х вику по початок ХХ I  вику, б. 93
  4. Таня Гарди (Салонтаї): Смутна свадзба, б. 172
  5. Соня Дюрко (Надь): Власни женски мена у Руским Керестурe, б. 189
  6. Каролина Джуджар: Творенє меновнїкох зоз суфиксами у рускей публицистики, 205
      - Биоґрафски податки о авторох , б. 227


     I I Хронїка Дружтва за руски язик, литературу и културу    

       
           Ювилеї, рочнїци, здогадованя


  7. Дюра Папгаргаї: Александер Духнович у националней свидомосци
                                    южнославянских Руснацох, б. 231
  8. Микола М. Цап:  Ґу 100-рочнїци од народзеня о. Максимилияна Буили, б. 237
  9. Микола М. Цап: 100-рочнїца од народзеня Янка Фейси, б. 239
10. Штефан Гудак:  90 роки од народзеня Якима Олеяра , б. 240
11. Светислав Ненадович: Саболини зоз Жумберку  Йовґен Сабол (1913–1985–2003), б. 242
12. Ирина Гарди Ковачевич:  Єден з нєзамeнлївих – Дюра Латяк, б. 245
13. Радио Нови Сад, Руска редакция: Мирон Роман – 70 роки од народзеня, б. 248
14. Леона Гайдук: Мария Чакан, наставнїца и просвитни роботнїк, б. 250
15. Милутин Ж. Павлов: Бешеда з нагоди шейдзешат рокох живота Мирона Канюха, б. 255
16. Микола М. Цап: 85-рочнїца Руского народного просвитного дружтва (РНПД), б. 259
17. 70 роки од снованя Културно-просвитного союзу югославянских Руснацох, б. 261
18. Дюра Латяк: Наша перша антолоґия поезиї – 40 роки од виходзеня, б. 265
19. Владимир Бесерминї: 40 роки од виходзеня  кнїжки Крочаї Миколи  М. Кочиша, б. 268
20. Програмни основи и активносци Меморияла проф. Гавриїла Г. Надя, б. 271
21. Ирина Папуґа: In memoriam: Славка Сабадош (1967–2004), б.274

          III Нови виданя

22. Оливера Маринков: Завидни уровень креативносци и рижнородносци
                                         подобовей творчосци Руснацох  нашей Покраїни
                                         – слово ґу виходзеню лексикона "Подобова творчосц Руснацох", б. 279
23. Любица Отич: Подобова творчосц Руснацох (рецензия), б. 280    
24. Др Маґдалена Веселинович Шулц: Подобова творчосц Руснацох (рецензия), б. 81
24. Др Душан Дрляча: Мелания Маринкович: Дац квету живот
                                       – Шид у моїм паметаню, б. 281
25. Др Юлиян Рамач: Язик Меланиї Маринкович, б. 287
26. Ирина Папуґа: Уводне слово з нагоди виходзеня и промоциї  кнїжки
                          Меланиї Маринкович  Дац квету живот – Шид у моїм паметаню, б. 288
27. Мелания Маринкович: Слово автора на промоциї кнїжки Дац квету живот, Шид, 2003, б. 291
28. Янко Рац: Зборнїк писньох школярох-поетох Квитки з нашей заградки – слово редактора, б. 293              
29. Ксения Варґа: Зборнїк писньох школярох-поетох Квитки з нашей заградки (рецензия), б. 294
30. Мария Стрибер: Найкрасши квитки з нашей заградки (рецензия), б. 295
31. Каролина Джуджар: Зборнїк роботох  "STUDIA RUTHENICA" 8 (21), б. 296
                         *
      - Нови члени Дружтва за руски язик, литературу и културу (2003–2004), б. 299



                                            Зборнїк роботох “STUDIA RUTHENICA" 10 (23), 2005



     ПРИЛОГИ ЗОЗ ТРЕЦОГО НАУКОВО-ФАХОВОГО СХОДУ


               "Тримаме крочай зоз творчосцу Миколи М. Кочиша", Нови Сад, 2005. року
                
               - 35 роки Дружтва за руски язик, литературу и културу  (1970)
               - 30 роки глашнїка Дружтва за руски язик, литературу и културу (1975)
               - 10 числа “STUDIA RUTHENICA" (1-10)




У Новим Садзe, 26. фебруара 2005. року

 

 

 

The Top of the Page / На початок того боку