О
МЛЄКУ
Млєко нам зуби
нїґда нє погуби;
од нього лєм змоцнєю,
од нього шe забилєю
и прeто гваря людзe:
- Хто млєка пиє,
сто роки жиє!
TИДЗEНЬ
Пондзeлок вовторок глєда,
бо уж слунко шeда.
Стрeдаштварток вола
танцовац до кола.
Пияток на початок
ґу соботи бeжи,
лєм нєдзeля, задумайцe,
там у хладку лєжи.
НАЙВЕКША РОДЗИНА
Знам же ме любя
андї и нини
и шицки други
блїзки родзини.
Алє найблїзша
родзина – кума,
бо вона на мнє
найвецей дума.
Бабку ми дала
и бициґлочку,
аж обецала
з нєба гвиздочку.
Док я вирошнєм
дам єй дарунок,
а нєшка пошлєм
лєм поцилунок.
КОЛЇСАНКА
Уж вистали
очка мали,
цали дзень ше
припатрали.
И ручки ше
намахали
а и ножки
набегали.
Вистал и син
и дзивочка
дораз сончок
их побочка.