Make your own free website on Tripod.com

 


ЗБЕГНЬОВСКИ НОЦИ



Там дзе ше нєбо ґу жеми хиля,
там дзе розквита желєна рута,
дзе окраїску прибрана хвиля
палї зорнїчку з писню когута,

там дзе вечарши роша пацери,
там дзе мешачок гвиздочку бочка,
дзе зрею кайси у сну мацери
под цеплу слизу за єй синочка.



Рефрен

Збегньовски ноци, били лелиї
у ваших першох мой крочай дзвинї.
Спод ваших стрехох на моєй шиї
ланцущок з писнї дзивей ґестинї.

Збегньовски ноци, били лебеди,
ваша ме доля ґу нєбу спина
у билей ноци, спод билей греди,
дзе ше мамочка модлї  за сина.



Там дзе ше пиши сладка ягода,
там дзе ваґаши до шерца лєжу,
дзе мацерова кайса як млода
за котру мойо памятки стрежу.

Там дзе прибрани сни з маковини,
там дзе ше ластар до пняку враца
блїщи ше око милей долїни
дзе слизом роса памятку враца.

 

 

 

The Top of the Page / На початок того боку