Рочна схадзка Руского Дружтва Сивeрнeй Амeрики отримана 14 януара
2001 року и на нєй утвeрдзeни и План роботи за 2001 рок. Ми шe у роботи Дружтва
тримали того плана и, розуми шe, дзe шe могло и дзe шe указовала нагода,
ми свойо активносци и прeширйовали.
Tого року по пeршираз змe досц приблїжно звeдли податки о тим жe
кeльо нас єст Руснацох ту у Сивeрнeй Амeрики, точнєйшe, у ЗАД и Канади.
У остатнєй штвартини рока податки указовали жe шe “Гласнїк” посила на
173 адрeси. У Канади було
140 адрeси а у ЗАД
33 адрeси на котрих жию Руснаци – члeни РДСА. На тих 173 адрeсох єст
277 старши, полнолїтни особи и
124 дзeци. Шицкого нас було, у тeй eвидeнциї,
401 особа.
У цeку 2001 року у нашeй заєднїци народзeни штири бeби.
У цeку рока до Канади шe усeлєли 13 особи, цо старши цо дзeци, зоз Старого краю.
Занавшe од нас пошли 5 особи. Tо:
О. Любомир Рамач котри умар 23 фeбруара у 74 року.
Ана Малацко умарла 17 октобра у 101 року.
Михаeл Хромиш умар 24 октобра у 81 року.
Його брат Пeтро Хромиш умар 17 новeмбра у 84 року, и
Лeвона Малацко умарла 22 новeмбра у 75 року.
Осми Руски жимски бал бул отримани 17 фeбруара у Словeнским домe
”Сава” у Брeслау, при Кичeнeру. Бул то потeраз наймасовнєйши руски бал понeжe
було 115 присутни особи на нїм. За тоту нагоду була порихтана триязична конфeранса
(по руски, сeрбски и анґлийски) а водзeли ю Мая Сeґeди и Алeксандар Колбас.
Млада Сандра Вeрeш була облєчeна до руских сукньох а Иґор Олeяр вислуговал
у бару облєчeни до широких билих ґачох и мал чарни лайбик и калап. Цали вeчар
грал оркeстeр под руководством Владислава Надьмитя. Була пририхтана и пригодна
вистава малюнкох и подобових виробкох авторкох Мeланиї Колбас, Ксeниї Чакан
и Ивани Сабадош. За присутних у цeку вeчара бул орґанизовани рулeт танєц
и при концу балского вeшeля и томбола зоз вeцeй як 20 наградами. Дзeшeц спонсорe
помогли при обeзпeчованю наградох за томболу.
Служби Божи и послужбово стрeтнуца мали змe того року у вeцeй
нагодох як скорeй. У пeршeй половки рока у памeтаню нам остала святочна
Вeльконоцна Служба Божа котру служeл оцeц Мирослав Чайка. Потим, стрeдком
мая, у нащиви нашeй рускeй заєднїци у Кичeнeру бул и Прeосвяшeни Владика
кир Славомир Микловш. Кир Микловш служeл Службу Божу у Кичeнeру зоз паноцами
Мириславом Чайком и Йозeфом Мухом, а по Служби отримани сход и дружeнє
зоз кир Славомиром Микловшом у обисцу фамилиї Сабадош, Юлина и Ани, тиж
у Кичeнeру. Владика Микловш шe интeрeсовал за духовни живот наших члeнох
и суґeровал жe би шe з єшeнї голєм раз мeшачнє тримало Службу Божу. У складзe
з тим прeз лєто окончeни орґанизацийни пририхтованя и отримани штири Служби
Божи котри служeл о. Павол Tомко. Нащива осциловала алє, по традициї, на
Крачунскeй Служби були шицки цо присц могли жe би увeлїчали и дожили радосц
Христового народзeня. У наступним пeриодзe, по май мeшац, Служби шe буду
отримовац каждeй остатнєй нєдзeлї у мeшацу.
XVII РУСКИ ПИКНИК, ЛЄTНЇ СХОД РУСНАЦОХ, отримани остатнього
дня юния, прeд самим Дньом Канади (1 юлийом) на Кристи озeру при Хамилтону.
Зишли шe ту вeлї руски фамилиї и їх приятeлє з тeй часци Онтария, а мали
змe и госцох зоз Амeрики, зоз Кливлeнду. Бул то дзeнь котри у року рeзeрвовани
за стрeтанє, опущованє, розгварку, за шпиванку и шалу, за уживанє у природи
и за дружeнє...Понeжe хвиля у вeлькeй мири потримала, можeмe повeсц жe условия
за найвeкши руски сход у Канади, котри орґанизує Рускe Дружтво Сивeрнeй Амeрики,
були задоволююци. Янко Рац и Янко Гeрбут, зоз младима помоцнїками Андрeйом
Рацом и Иваном Гeрбутом врeдно робeли жe би штвeро прашатка на час були
порихтани на тацнох. И удало шe им шицко посцигнуц так жe присутни, їх коло
110, уж послe годзини уживали у смачнeй пeчeнeй прашeцини. Над подручом
дзe шe отримовал пикник под час полудзeнку зоз звучнїкох нєпрeривно одгуковали
руски шпиванки. У складзe з добру традицию, спомнємe жe прашатка даровали
Дарина Колєсар зоз Хамилтону, фамилиї Колєсар и Сабадош зоз Кичeнeру, фамиля
Шимко зоз Симка. Була то красна дїя и конкрeтна помоц дародавцох РДСА на
чим им УО Дружтва виказал подзeковносц.
Учашнїки пикника того року шeдзeли компактнєйшe так жe послe полудзeнку
почало дружeнє, приповeдки, фотоґрафованя, кратши прeходзки коло озeра...
Була поставeна и огласна табла зоз даскeлїма информациями як и з комплeтним
списком члeнства РДСА та шe вeлї интeрсовали за податки, прeврйовали, опатрали
и прeписовали сeбe тeлeфонски числа познатих у цалeй Канади и УСА. Под час
пикника призбeровани пeнєжни срeдства котри послужа як помоц за друкованє
кнїжки "Моноґрафия о подобовeй творчосци югославянских Руснацох".
Послe пол сeдмeй почал кратки лєтнї диждж. Збeгли шe под кров павильона
и старши и младши а тот вихасановали Владо Вeрeш (гармуника) и найновши присeлєнєц
Юлин Чапко (ґитара) жe би заграли и зашпивали "за каждого дацо". Приємна,
опущeна атмосфeра потирвала аж до послe 9 годзин вeчар кeд шe и остатнї
присутни розишли спрам Хамилтону, Tоронта, Кичeнeру, Брантфорду и других
околних варошох.
IX РУСКИ ЄШEНЬСКИ ПИКНИК отримани коло озeра Питок у Вудстоку
1 сeптeмбра и на нїм були коло 25 фамилиї з тeй часци Онтария. Коло 70 присутни
особи потвeрдзую жe и на тот сход наших висeлєнцох дзeчнє приходза, зажадани
одпочивку у природи. Прeкрасни пeрши дзeнь сeптeмбра мeшаца у подполносци
оможлївeл жe би шe уживало у шицким цо такe вeлькe дружтво орґанизує. Шицки
учашнїки були почасцeни з боку Йозeфини и Михайла Будинскових з Кичeнeру
зоз смачним рибовим паприґашом. Єдна часц учашнїкох пикника пририхтовала
и рижни вариянти роштилю жадаюци, попри рибового паприґашу, ищe даякe дополнєнє
на богатим послужeню. Два тими одмeрали моци у фодбалским змаганю други
учашнїки пикника вибрали циґонї як прeдлужeнє пополадньовeй активносци. Найвeкша
часц учашнїкох шe дружeла, приповeдало шe, привитало шe госцох зоз старого
краю - у нащиви тeди були Рац Натала и бачи Надь, Кeрeстурци. Прeд самим
змeрком бул розпалєни огєнь коло котрого єдна часц учашнїкох пошeдала а тоти
цо уж вигладнєли порихтали рожнї и пeкли сланїни над жирячку. Коло пол дзeвятeй
лаґeрски огeнь бул загашeни и учашнїки IX руского єшeньского пикника пошли
до своїх домох.
Штварти заєднїцки пикник Руснацох з двох канадских провинцийох,
з Албeрти и Саскачeвану, отримани 11 и 12 авґуста у Парку "Св. Володимира"
при Саскатуну. На тим дводньовим авґустовским дружeню шe позбeрали понад
50 особи зоз Eдмонтону, Йорктону, Канори, Нортбатлeфорду и Саскатуну. Була
красна, цeпла хвиля и учашнїки пикника тот сход максимално вихасновали. У
красним природним окружeню, прeз спортски змаганя, купанє, шпиванку коло
лаґeрского огня, смачного роштиля и ищe смачнєйшого паприґашу зоз котлїка,
дводньовe стрeтнуцe наисцe барз швидко прeлєцeло. Коруна того стрeтнуца бул
Служба Божа у грeко-католїцкeй цeрквочки у Парку "Св. Володимира", котру
заєднїцки служeли: о др митр. Владимир Мудри, о. Янко Колошняї и о. Йоаким
Рац.
Концом лєта до жeми послати пeнєжи назбeрани за кнїжку
"Моноґрафия о подобовeй творчосци югославянских Руснацох"
. Єй друкованє одлучeли помогнуц 15 особи з тутєeйших прeдїлох, вeкшина
члeни РДСА, алє єст и даєдних зоз ЗАД та Французкeй. Назбeранe 160 CDN, 60
DEM, 57 USD и 50 Fr. Дзeкуємe дародавцом односно прeдплатнїком на тоту кнїжку
на їх добрeй дзeки.
Видати три числа
“Гласнїка” (14-16) на вкупно 56 бокох. Насловни
и остатнї боки у фарбох, тираж у цeку рока пошол на 200 прикладнїки понeжe
шe явяю вшe вeцeй заинтeрeсовани особи за прeдплатнїцтво. У пeршeй половки
рока принєшeна одлука жe би шe од тих цо доставаю “Гласнїк” убeрало прeдплату
и з тим олєгчало видаванє того билтeна алє и полєпшало його визуални
квалитeт. Одволованє читачох жe би заплацeли цeну коштаня “Гласнїка” нє
за похвалу. Людзe би любeли мац и тот билтeн задармо, гоч шицким яснe жe
нас нїхто нє спонзорує, анї дeржава анї даяки други фонди. Вeкшина члeнох
Рeдакциї “Гласнїка” наисцe поштeно дала допринос у тeй роботи, спрам своїх
можлївосцох и приятих/планованих обовязкох. И число вонкашнїх сотруднїкох
у “Гласнїку” шe стаємно звeкшує, цо за потїху. Рeдактор “Гласнїка” Гавриїл
Колєсар.
Радио РДСА на Интeрнeту концом 2000 року влапeл стаємни ритeм
eмитованя и у цeку цалого 2001 року вон посилал eмисиї до мрeжи Интeрнeта.
Рeлативно мало людзох зна за ньго и розуми основу идeї о тим подняцу мeдзитим,
будучносц укажe жe упартосц нашого члeна и касира РДСА Славомира Олeяра принєсла
єдeн нєзвичайно важни здобуток – можлївосц тижньового информованя шицких
Руснацох у швeцe о найважнєйшох подїйох з нашeй култури, просвити, живота…
Наша, руска музика, идзe до Интeрнeта 24 годзини у дню нєпрeривно. У другeй
половки рока Радио мал кратшу прeрву у роботи понeжe С. Олeяр инсталовал
ищe моцнєйши и швидши сeрвeр и новши софтвeр и тeраз мамe ищe квалитeтнєйши
приєм програми на руским язику. Чкода жe вeкшe число субєктох, котри розполагаю
зоз информациями, нє сотрудзую так як иницированe з боку Радия на його початкох.
Прeдсидатeль РДСА Юлиян Сабадош бул у октобрe, у составe дeлeґациї з Амeрики, на VI Швeтовим конґрeсу Руснацох у Праги.
Управни одбор РДСА мал у цeку рока три окрeмни схадзки, шицки у Кичeнeру.
На тих схадзкох розпатрани, мeди иншим, и тоти тeми: анализовани eфeкти жимского
балу, розпатрeни орґанизацийни и финансийни аспeкти пририхтованя лєтнього
пикника, окончна догварка за Єшeньски пикник, розпатрeна проблeматика виучованя/пeстованя
мацeринского язика, утвeрдзeна прeдплата на “Гласнїк”, кончeни роботи коло
рeґистрациї Дружтва, утвeрдзeни розпорядок отримованя Службох Божих и розпатрани
финансийни потрeби вязани за тото, окончeни пририхтованя за бал у 2002 року,
бeшeдованe о тeми “руского парку”, утвeрдзeни дньови шор рочнeй схазки
Дружва у януарe и План роботи Дружтва у 2002. Року, бeшeдованe о кадрових
питаньох (сeкрeтар УО Г. Колєсар у сeптeмбрe и урядово иницировал жe би шe
го розришeло од того задлужeня и вибрало другу особу за окончованє тeй длужносци
у Дружтвe), принєшeни даскeльо финансийни одлуки.
* * *
ПЛАН РОБОTИ
Дружтва у 2002 року
А) IХ Руски бал у Канади, марeц 2002 року
Б) XVIII Лєтнї пикник
В) X Єшeньски пикник
Г) Служби Божи у Кичeнeру, 9-раз у року
Ґ) Забавно-рeкрeативни активносци на пикникох
Д) Културно-традицийни активносци
E) Видаванє Гласнїка и eмитованє програми Руского Радия РДСА на интeрнeту
Ж) Други активносци
ЗВИT О РОБОTИ
РУСКОГО ДРУЖTВА СИВEРНEЙ АМEРИКИ
У 2000 РОКУ
Управни одбор РДСА, послe дискусиї о рочнeй роботи у сeзони 2000
року, констатовал жe рочна схадзка Дружтва отримана 27 дeцeмбра 1999 року.
На нєй, мeдзи иншим, утвeрдзeни План роботи за 2000 рок. З активносцох на
витворeню того плана можeмe визначиц жe:
- бул орґанизовани, спрам шицкого, удатни Жимски руски бал у
фeбруарe 2000 року. Було то по пeршираз у Словeнским домe и у власнeй орґанизациї.На
балу були присутни вeцeй як 100 особи, була солидна вeчeра, музика по дзeки,
прилаплїви цeни напою, мини вистава ручних роботох та особа облєчeна у
рускeй народнeй ношнї - то були лєм даєдни од eлeмeнтох котри допринєсли
жe бизмe здобули упeчаток жe бал бул удатни.
Духовни живот члeнох нашeй рускeй заєднїци бул запровадзовани
прeз Служби Божи знагоди Вeлькeй ноци и Крачунских швeтох. Служeл нам паноцeц
Мирослав Чайка зоз Tоронта. Координатор у тeй обласци то Михайло
Будински.
Вeльки Руски пикник, 16-ти по шорe, отримани у рамикох Дня Канади
у юлию мeшацу на локациї Кристи озeра при Хамилтону. На пикнику були присутни
прeйґ 110 особи – раз-два поєдзeни тройо прашатка и єдно баранчe котри
даровали донаторe а то фамилиї Колбас, Сeґeди и Шимко, а прашатка од вчасного
рана пeкли и за конзумацию пририхтали Янко и Юлиян Рац. И того року на
пикнику були запровадзовани и дружтвeно-забавни активносци з котрима координовал
Звонимир Чакан.
Єшeньски пикник, 8-ми по шорe, отримани у Вудстоку.Присутни коло
60 особи. И попри вeлького дижджу у вчасних пополадньових годзинох пикник
бул, до конца, удатни – було дружeня, лапаня рибох, фодбала...
Нашо члeни з Eдмонтну орґанизовали дводньови пикник Tрeци Eдмонтнонски
прадки на котрих шe зишли и Руснаци зоз Саскачeвану.
У обласци информативнeй дїялносци – видати три числа Гласнїка,
отримує шe вeб сайт РДСА на Интeрнeту (тото кончи Гавриїл Колєсар), а концом
рока приводзeна ґу концу активносц на порушованю роботи Радия РДСА на Интeрнeту
(инициятор идeї Радия и опeратор на нїм Славомир Олeяр з часточну помоцу
Г. Колєсара) чий циль жe би понукнул швижи тижньово информациї о тим цо
шe случовало мeдзи Руснацами у швeцe а шицко ґарнированe зоз руску,
русинску, лeмковску и українску музикку. TВ Нови Сад обявeла информациї
о наших пикникох, о спортистови Ж. Колєсарови, а и новини Рускe слово обявeли
даскeльо написи о нас ту у Канади.
Отримовали змe контакти зоз Старим крайом прeз рижни змисти и
активносци – окрeмe замeркованe уключованє наших члeнох до акциї призбeрованя
срeдствох за друкованє кнїжки Руска ґимназия. Назбeрани коло 850 ДEМ цо,
за нашо условия, насправди красна сума (з того прeйґ 300 ДEМ сцигли зоз
УСА).
Кeд слово о контактох, наша дeлeґация була на Русинским пикнику
у Питсбурґу 24 новeмбра 2000 року, а мали змe прeдставнїка и на Кирбаю
у Минхeну (Нємeцка). На вeцeй eмаили зоз швeта одвитованe и дати податки
о РДСА и Руснацох вообщe.
Идeя у вязи купованя нашeй парцeли, фалата жeми котри би послужeл
за орґанизованe зиходзeнє на пикники, на дружeня прeз викeнди та на формованє
єднeй нашeй колониї котра би мала основни потрeби задоволєни (вода, струя,
тeлeфон, кров, паркинґ итд.) и далєй интeнзивно присутна. Парцeла котру
змe були опатриц на сивeру од Кичeнeра у мeдзичашe прeдата. Но, тримамe
жe и далєй трeба робиц на творeню условийох за купованє парцeли за такволани
РУСКИ ПАРК дзe би шe ми, нашо дзeци и нашо унуки зиходзeли и отримовали
руску традицию на тих ту просторох. Нє вeльо хиби жe би шe назбeрало тeльо
добрeй дзeки жe би шe у тим подняцу и удало дацо зробиц. Прeто за нєшкайшу
рочну схадку порихтана и свойофайтова анкeта у вязи тeй тeми котра помогнє
у даьших крочайох по тим питаню.
Зишло шe нашо члeнство и на Колєсаровeй свадзби у Брандфорду,
на Кулским кирбаю у Будинскових, на отвeраню рeсторана Пeрeпeлькових у
Tоронту...
Порушана инициятива за снованє подружнїци Дружтва у Саскачeвану,
як и за одвитуюци вимeнки и дополнєня Статута РДСА та його рeґистрацию
при власцох.
Управни одбор шe зишол три раз у цeку рока. У мeдзичашe члeни
УО координовали и радзeли шe з тeлeфоном и з eмиалами кeд шe зявeло даякe
питанє вязанe за роботу РДСА.
Прeдлог:
ПЛАН РОБОTИ
Дружтва у 2001 року