БЕЛАВИ ЛЄТ
Спущела ше єдна хмарка
на малого Дарка.
До уха ми пошептала
и на кридла свойо вжала.
Лєца, лєца по вселени
вєдно зоз сном облапени.
КОЛЇМБАЧКА
Гойса, гойса
колїмбачка.
Єдeн, два.
Єдeн, два.
Лєта, лєта
колїмбачка.
Горe, долу.
Горe, долу.
Круци, круци
колїмбачка.
Лїво, право.
Лїво, право.
НЇТКА
Єст єдна нїтка
цо братох и шестри
до єдней громадки збера;
дзвери им
єдного дома отвера
Єст єдна нїтка
цо вяже людзох
гоч су розшати ширцом по швеце.
Та чи то любов,
чи товаришство,
чи може дацо и треце.
РОЗЧИТОВАНЄ
Най ше пачи
шолька млєка
тебе чека.
Хто остатнї
ю попиє
у кухнї ю
вец помиє.