ВЛАДИМИР  КОЛЄСАР ДАДО

(1956 - 2004)

уметнїк фотоґраф




               Владимир Колєсар - Дадо, уметнїк фотоґраф, народзел ше 20. априла 1956. року у Новим Садзе. У Руским Керестуре (родичи оцец Владимир Колєсар, наставнїк математики и мац Маґдалена Колєсар, вихователька), закончел основну школу и ґимназию.
               У Руским Керестуре робел як самостойни фотоґраф, фото-репортер. Занїмал ше зоз новинарску, документарну и уметнїцку фотоґрафию. Отримал седем самостойни вистави, пейц колективни, а дзечнє ше одволовал и викладал и з других нагодох кед бул поволани же би илустровал красни предїли керестурского беґеля, пейзажи, природу. Овиковичел Рускокерестурску Водицу, школу, замок, як и други обєкти и будинки, а и у велїх руских фамелийох зохабел вични шлїди - фотоґрафиї на памятку.
             Сотрудзовал зоз НВУ "Руске слово", дзе обявйовал свойо успишни уметнїцки прилоги - фотоґафиї у виданьох Руского слова (руских календарох, заградки...) и ширше.
               На вeб сайту "Руснаци у Панoниї" заступени є з вeлїма фoтoґрафиями, а ма и три oкрeмни тeматични вeб бoки умeтнїцкeй фoтoґафиї.
              Бул член Клуба подобових уметнїкох Дружтва за руски язик, литературу и културу, Нови Сад, од снованя, 1996. року. Заступени є у моноґрафиї "Подобова творчосци Руснацох" у виданю Дружтва за руски язик, литературу и културу, Нови Сад, 2003, бок 57, зоз колор фотоґрафию "Водица вжиме".

ИП